Kuningriigi hümn.

Olli suurõ' Säksa sõa',
Vinne väe' oll` vägevä`,
suurõmp hulk jäi Säksa oräs,
meist sai vilets Vinne viir.

Visati meid ütte viirde,
tõistõ viirde tõugati -
sääl meid surbi` Säksa rüütli`,
Vinne vürsti vindsodi`.

Küll oll` rassõ ello ellä`
Pühä Esä Maarjamaal,
küll oll` rassõ koto tetä`
katõ ilma veere pääl!

Siski esä-esä kombõ`
jõudsõ hoita alalõ:
uma keele, valgõ` rõiva`,
uma hüä süäme.

Kui mi jäl` sis kokko tulli
ummi vanno laulõga`,
ar sis veli vele tundsõ,
sugu nakas selgümä.

Õt mi latsõ` sammu pitä`
jovvasi` õks tõisiga´,
õt saas` valgõt päivä nätä´
tulõvikuh Setomaa -

nõsta üles uma lipu,
käüsekanga kirivä,
tüllütulijalõ paku
mõrro seto sibulat.

Kui no jälki uma Peko
om Seto riigih kuningas,
küll sis varsti vahtsõst nakas
Setomaa kõik häitsemä!